വിരസരാത്രി.
അശ്രദ്ധമൊരു മൗസ് ക്ലിക്ക്
മോണിറ്റർ ഭേദിച്ച്
ഒരു കുഞ്ഞു ശലഭം
ചിറകുകൾ തുളഞ്ഞിരിക്കുന്നു...
നുറുങ്ങിയമർന്നിരിക്കുന്നു...
വിറക്കേണ്ട
പകക്കേണ്ട..
വിരലിൽ അമർന്നിരുന്നോളൂ..
ഇതെന്റെ നോട്ടുപുസ്തകം
മിനുക്കിന്റെ ചട്ടയുള്ളത്..
ഉൾവഴികൾ വിജനമായത്..
അക്ഷരങ്ങൾ മറന്നത്..
കണ്ണുകൾ കുഴഞ്ഞിരിക്കുന്നൂ
അവിടെ മഴ പെയ്യുന്നൂ
ഇനി നമുക്കുറങ്ങാമെന്നോ..?
സ്വപ്നങ്ങൾ കാണണമെന്നോ..
എഴുതാൻ തുടങ്ങണമെന്നോ...
കടലാസുകൾ നിറയുകയായീ..
സ്വപ്നങ്ങൾ പുലരുകയായീ....
ബിനു,
ശലഭം പ്രകാശമാണ്..
ജീവന്റെ വിലാസമാണ്..
സമർപ്പണം:
കുഞ്ഞനുജൻ ബിനു എം ദേവസ്യക്ക്...'സ്വപ്നങ്ങളിലേക്കുള്ള വഴികൾക്ക്'...
എഴുതണമെന്നു തോന്നിയയത് ബിനുവിന്റെ കവിതകളിലൂടെയാണ്..എല്ലു നുറുങ്ങുന്ന ശരീരവുമായി അവൻ നമ്മോടു പങ്കു വെക്കുന്നത് വ്യക്തിപരമായ വേദനകളല്ല..മറിച്ച് പൊതു സമൂഹത്തിന്റെ സങ്കടങ്ങളാണ്..പ്രതീക്ഷകളാണ്.
www.binusdream.blogspot.com
